Εγγώμιον εις τον Άγιον Μεγαλομάρτυρα
Παντελεήμονα.
( Απόσπασμα )
Χαίρε τέκνον Θεού Πατρός αμώμητον και αμίαντον, μάρτυς Ιησού Χριστού, γλυκύτατε σοφώτατε και πιστότατε θεράπων του Παρακλήτου δραστικώτατε και θερμότητε. Χαίρεις το ήδυσμα και αγλάισμα των θείων νόων , ο φίλτατος τοις Αποστόλοις και τοις Αγίοις , αιδεσιμώτατος Προφήταις. – Ο τοις ακροτάτοις και πρώτοις των αθλοφόρων ισοστάσιος, ως ούτε τοις παθήμασι και ταις ομολογίαις, ουτε σημείοις και θείοις και τέρασι, τα δευτερεία τινός απενεγκάμενος. Χαίρε ότι μόνος εκ πάντων αγίων ετιμήθης τη θεωνυμία* μόνος Παντελεήμων κατά μετουσίαν, δια την υπερβολήν δηλαδή προς του φύσει παντελεήμονος ανηγορεύθεις. Χαίρε, ότι νενίκηκας τον κόσμον εν τω Χριστώ , σίδηρον ήμβλυνας, πυρ εμάρανας, θάλασσαν υπέταξας, θήρας ημέρωσας, τροχόν εξουδένωσας, και πάσαν του τυράννου κατήργησας μηχανήν * και νυν στεφανίτης παριστάμενος εν ουρανοίς εν Χριστώ, μνήσθητι καμού δεομαί σου και επίσκεψαι και ίασαι πάσαν νόσον ψυχής ομού και σώματος, περίελε τον ονειδισμόν, περίελε το σκότος ημών , ως του μεγάλου και αληθινού και πρώτου φωτός έγκονος πεφηνώς εν αυτώ Χριστώ Ιησού τω Κυρίω ημών. Ω πρέπει πάσα δόξα, τιμή και προσκύνησις, άμα τω Πατρί και τω αγίω Πνεύματι , νυν και αεί και εις τους αιώνας των αιώνων αμήν.
Διαβάστε όλο το άρθρο στο "Η ενορία κοντά σου" »
Μεταφράστε αυτό το άρθρο (Translate this article) »
